Iruzurrezko deiak

Telefono-deien, mezu elektronikoen eta testu-mezuen bidezko iruzurrak

ohikoak dira. Horregatik, Guuk-ek informazioa eman nahi dizu kasurik ohikoenak identifikatzeko eta prebenitzeko.

Deitzen badizute zure pasahitzak, SMS bidez bidalitako kodeak, zure NAN-zenbakia edo datu pertsonalak eskatuz... nabari da EZ direla Guuk-ekoak. Inoiz ez dizugu posta elektroniko edo SMS bidez pasahitzik ez datu pertsonalik eskatuko.

Zertan datza “vishinga”?

Zibergaizkile batek, Guuk-ekoa dela esanez, deitu edo SMS bat, Whatsappeko mezu bat edo mezu elektroniko bat bidaltzen dizu. Hainbat estrategia erabiliz, hala nola bere benetako telefono-zenbakia ezkutatuz, zure konfiantza bereganatzen du, informazio pertsonala lortzeko —adibidez, NAN-zenbakia, helbidea, bankuko kontu-zenbakia edo pasahitzak—. Datu horiekin iruzurrak edo kontratazioak egin ditzakete, zure nortasuna usurpatuz.

Gure izenean deitzen badizute tarifa igotzeko eta, gero, beste konpainia batetik deitzen badizute tarifa hobetzeko,EZ dira Guuk-ekoak. Guuk-en, prezio bera izan duzu beti, eta ez dizugu inoiz telefono edo Whatsapp bidez jakinaraziko prezio-igoerarik.  Badena bada. Eta ez dena, ez da.

Zertan datza “dei bikoitzaren” iruzurra?

Zibergaizkile batek, Guuk-eko operadorea dela esanez, deituko dizu esanez zure tarifa garestitu egin dela edo aparteko ordainketa bat egin behar duzula. Aurreraxeago, beste telekomunikazio-konpainia baten dei bat jasoko duzu, eta aurreko deikoak baino baldintza hobeak eskainiko dizkizu. Kontuz ibili: bigarren horrek engainatu egin nahi zaitu, operadorez alda zaitezen, ustez kondizio hobeak eskainita.