Zer muga ditu roamingaren erabilerak Europako Esparru Ekonomikoan?
Badakizu zure mugikor-tarifa baliozkoa dela bai Espainian bai Europar Batasuneko edozein herrialdetara eta herrialde elkartuetara egindako bidaietan (ikus xehetasunak). Hala ere, gehiegikeriarik gerta ez dadin, arau batzuk ezartzen dira roamingaren erabilera intentsiboa edo etengabea mugatzeko.
Zer hartzen da roamingaren abusuzko erabileratzat Europako Esparru Ekonomikoan?
Europako araudiaren arabera, gehiegizkotzat jotzen diren zenbait erabilera-mota daude, eta tarifa gehigarria eskatzen dute EEEn (Europako Esparru Ekonomikoa) mugikorra roamingean erabiltzeko. Funtsean, abusuzko erabileratzat hartuko da baldintza hau betetzen baduzu:
Azken lau hilabeteetako zure kontsumoa eta presentzia handiagoak izatea roamingean estatu barruan baino.
Alegia, azken lau hilabeteetan EEEn egin duzun roamingaren erabilera aztertuko da, eta aldi berean bi baldintza hauek betetzen diren ikusiko dugu:
- EEEko roamingeko ahots-, datu- edo SMS-kontsumoa handiagoa izatea Espainiako kontsumoa baino.
- EEEko roaming bidezko presentzia esklusiboko egun-kopurua Espainiakoa baino handiagoa izatea.
Gogoan izan inoiz ez garela hasiko roamingeko kargu gehigarriak aplikatzen aurretik ohartarazpen-SMS bat bidali gabe. Errekargu hori ez da inoiz aplikatuko ohartarazpen horren aurretik egindako kontsumoan; handik aurrerako roaming-erabilerarako bakarrik aplikatuko da.
Nola jakin dezaket EEEn roaminga gehiegi erabiltzen ari naizen?
Hautematen badugu Europako Esparru Ekonomikoko zure roaming-erabilerak Guuk-en zentzuzko erabileraren politika hausten duela, EBk onartutako araudiaren arabera, SMS bat bidaliko dizugu jakinarazteko.
Une horretatik aurrera, 2 aste izango dituzu zure erabilera-eredua aldatzeko, hau da, EEEn roaminga zentzuz erabiltzeko. Horrek esan nahi du abisu-SMSa jaso ondorengo 14 egun horietan presentzia eta kontsumo handiagoa izan beharko zenukeela Espainian EEEko roamingean baino.
- Hala ez bada, beste SMS bat jasoko duzu, roamingeko datuen kontsumoan kargu gehigarriak hasiko direla jakinarazteko. Zure kontsumo gehigarria Europako Parlamentuak araututako tarifen arabera fakturatuko da. Hauek dira 2023rako eta 2024rako tarifak (BEZa sartu gabe):
- Deiak: 0,022 €/min.
- SMSak: 0,004 €/SMS.
- Datuak: 1,8 €/GB 2023an eta 1,55 €/GB 2024an.
Hau da, SMS hori jaso ondoren kontsumitzen jarraitzen baduzu, kobratzen hasiko gara.
- Hona hemen datuen erabileraren adibide batzuk:
- Facebookeko zure horman minutu batez sartzea ----> 1 MB
- Instagramen hiru argazki partekatzea ----> 1 MB
- Spotifyko abesti bat — 2 eta 9 MB bitartean
- Whatsappa – minutu bateko audio bat ---> 6 MB
Noiz erabili ahal izango dut berriro nire tarifa EEEko roamingean, kargu gehigarririk gabe?
Hilaren hasieran, berriro aztertuko dugu roamingaren erabilera-eredua, gehiegizkoa ez dela egiaztatzeko. Kasu horretan, SMS bat bidaliko dizugu aparteko karguen amaieraren berri emateko. Une horretatik aurrera, tarifa berriro erabil dezakezu EEEn kostu gehigarririk gabe..
Roamingaren kontsumoak zentzuzko erabilera-politikatik kanpo jarraitzen badu, errekarguak aplikatuko dira EEEko roamingeko datuen tarifikazioan.
Nire linea guztiei eragiten al die errekarguak?
Ez, gehiegizko kontsumoa egin duten lineei bakarrik aplikatzen zaie errekargua.
Udan EEEko herrialde batera joaten banaiz oporretan, gerta liteke gehiegizko erabilerara iristea?
Lasai, muga horiek roamingaren erabilera esklusiboak edo oso intentsiboak saihesteko pentsatuta daude. Europar Batasuneko herritar guztiak Europako Ekonomia Erkidegoan lasai ibiltzeko dago araututa, baina ez zure herrialdea ez den beste herrialde batean lehentasunez erabiltzeko.
Europako Esparru Ekonomikoko (EEE) herrialde batera bizitzera joaten banaiz, adibidez Italiara, gerta liteke gainordaina ordaindu behar izatea nire tarifa erabiltzeagatik?
Bai. EEEko herrialde bateko egonaldia luzea izango bada, baliteke roamingaren gehiegizko kontsumoaren abisuak jasotzea. Kasu horretan, adibidez datuak erabiltzean, Espainiara itzultzen ez bazara, 0,022€/min-ko ordaindu beharko zenituzke deiak.
EEEtik kanpo bidaiatzen badut, muga horiek aplikatuko dizkidate?
Baldintza horiek guztiak tarifa nazionala kostu gehigarririk gabe erabil daitekeen herrialdeetan bakarrik aplikatzen dira. EEEkoak ez diren herrialdeetan, roamingaren prezioa hitzarmenen arabera tarifatzen da. Ikusi informazio gehiago.
Ikusi hemen zentzuzko erabileraren politikaren xehetasunak.
Erabilgarria iruditu zaizu erantzun hau?
GEHIEN BILATZEN DENA
Zuntz eta mugikorreko tarifakMugikorren tarifakZuntz eta finkoaren tarifakNazioarteko tarifakZenbaki berezien tarifakBESTE ZERBITZU BATZUK
Agile TVDenda-bilatzaileaInternet bigarren etxebizitarakoGuuk naiz-eraGuuk aplikazioaESTEKA INTERESGARRIAK
Gure printzipioakEgin zaitez banatzaileMugikor-estalduraEgiaztatu zuntz-estalduraIritziakLAGUNTZA ETA HARREMANAK
Zure zalantzak argituKontaktuaRoamingaPostontzia aktibatzea eta desaktibatzea