Zer egingo dut urrutiko agintea ez badabil?

Urrutiko aginteak funtzionatzen ez badizu, probatu aukera hauek:

• Egiaztatu 1,5 V-eko bi AAA pila dauzkala jarrita, eta posizio egokian daudela (positiboa + eta negatiboa -).
• Aginteko edozein botoi sakatzean goiko aldeko argi gorriak dir-dir egiten ez badu, aldatu pilak; baliteke agortuta egotea (agintea luzaroan erabili behar ez bada, kentzea komeni da).
• Aldatu ondoren, sakatu aginteko edozein botoi, goiko argi gorriak dir-dir egiten duen ikusteko. Hala bada, jarri agintea behar bezala TV BOX 4K-ra begira, eta jarraitu telebistaren pantailan agertzen diren agintea sinkronizatzeko urratsei. Urrats horiek egin ondoren, aginteak funtzionatzen ez badu:
• Itzali zure TV BOX 4K (korronte elektrikotik deskonektatuta), piztu berriz (berriro korrontera konektatuz), eta probatu berriro urrutiko aginteak funtzionatzen duen.
• Parekatu berriro urrutiko agintea TV BOX 4Krekin Bluetooth bidez (TV BOX 4Kren oinarrian dagoen Pairing botoiarekin egin dezakezu). Horrela ere ez baduzu lortzen urrutiko aginteak funtzionatzea, jarri gurekin harremanetan, eta lagunduko dizugu konpontzen.